Компирки
оригинален рецепт од битолските пекари
За тесто
130 гр пире снегулки (1 пакетче)
600 гр жешка вода
250 мл масло
1,5 лажица вегета
0,5 лажица сол
1 коцка свеж квасец (40 гр)
750 гр брашно
За премачкување
1 лажица сенф
1/2 лажиче црвена пипер
и малку вода ако е потребно
сусам и други семиња по желба
Подготовка:
Во тенџере се
става водата да зоврие и се трга од рингла.
Во зовриената
вода се додава маслото па се попаруваат
пире струготините и се меша да се соедини.
Му се додава
солта, вегетата и активираниот квасец.
На крај се меси
со брашното.
Се покрива и се
остава 10 минути, па се премесува и уште еднаш 10 минути да отстои.
Потоа се премесува
уште еднаш и се сучи со дебелина од пола до 1 см зависно колкави сакате да ви
се големи. Јас ги сакав како залачиња, па затоа се помали. Се сечат најчесто со
кружен калап, со големина на крофни, но не мора, еве, можи и вака ако сакате.
Компирките се
редат во плех, се премачкуваат со смесата за премачкување, се посипуваат по
желба со семиња и се печат во загреана рерна на 200С.
No comments:
Post a Comment