Ашуре

 Ашуре 

Ашуре е турски десет кој муслиманите се прави во одреден период од годината наречен Месец на Ашуре. Толку научив од пријатели кога ја споделив сликата од ашурето на мојот профил на ФБ. Ако знае некој повеќе нек е излажала. Повод беше една затурена пченица, дел од гравот кој се вареше за гравче тавче и осамениот наут во конзерва. За да го направам решив да видам повеќе рецепти и да си створам еден н.з.с. ☺ Приметив дека во мк групи кај го гледав го прават без наут, грав и често и млеко. Решив да гледам турски рецепти. Е тие се со овие додатоци. Па, кад је бал, нек је маскембал хаха Не бидете скептици, пробајте го вака комплетно. Јас скептик бев воопшто, но завршив воодушевена од вкусот, а како го поделив по комшии и пријатели, реакцијата беше иста.  а пиши во коментар.

Долго време го гледав овој десерт по групите и не се осмелував да го направам. Мислев дека е некоја помија од блага вода и зарзават што плива во неа. Не сме ние многу мераклии по сувото овошје, а тоа преовладува овде. Ах, колку сум се излажала. Повод беше една затурена пченица, дел од гравот кој се вареше за гравче тавче и осамениот наут во конзерва. За да го направам решив да видам повеќе рецепти и да си створам еден н.з.с. ☺ Приметив дека во мк групи кај го гледав го прават без наут, грав и често и млеко. Решив да гледам турски рецепти. Е тие се со овие додатоци. Па, кад је бал, нек је маскембал хаха Не бидете скептици, пробајте го вака комплетно. Јас скептик бев воопшто, но завршив воодушевена од вкусот, а како го поделив по комшии и пријатели, реакцијата беше иста. 

Состојки 

2 шолји варена пченица

1 шолја варен грав

1 шолја варен наут

100 гр индиски ореви

70 гр лупени бадеми

100 гр суви кајсии

80 гр суви смокви

80 гр урми

80 гр суви сливи

50 гр сува брусница

Кора од 1 портокал

3 чаши шеќер

1 лажиче нишесте (или 1 лажица ако е пореко)

1 шолја млеко

Цимет

 

Подготовка 

Сварете ги пченицата, наутот и гравот одделно. Секако, можи да користите конзервирани за полесно и побрзо.

Додека се чека да се варат зрната, ставете ги бадемите во жешка вода да отстојат додека излади и потоа излупете ги лесно.

Можи да користите и лешници или било какви јатки ако сакате, секако тоа важи и за сувото овошје. Колку повеќе, толку побогато на вкус.

Со алатка за лупење излупете ја кората од еден исчистен портокал и исечкајте ја на коцкички.

Кога сите зрна ќе бидат скоро варени, омекнати, ги ставаме заедно во поголемо тенџере и им додаваме од нивната вода за почеток 5,6 чаши и вариме 10 минути откако ќе зоврие. 

Го сечкаме сувото овошје и го додаваме заедно со јатките и кората од портокал во тенџерето. На крај го додаваме и шеќерот и додаваме уште 4 +/-  чаши вода. Додавањето на течност не е правило во мерките. Треба да е потечно, а не густо со зарзаватите внатре.

Оставаме да вари на појак од среден оган 10-15 минути.

Нишестето го раствораме во млекото и го додаваме во тенџерето. Сега мешаме често и откако ќе зоврие вариме уште неколку минути, па го тргаме од рингла.

Цимет можи да додадете во него или откако ќе сервирате одозгора. Јас се решив за одозгора, затоа што не можев да одолеам на тој коктел од арома да не го оставам таков каков што е.

 Сервирајте го во мали чинивчиња, поделете го со пријателите и блиските и уживајте во вкусотијата.

 

П.С.: Доколку сакате посна верзија, млекото заменете го со вода.  

 ©Фотографиите се авторски. Забрането е преземање на истите без согласност на авоторт. 

Непечени колачи со путер од кикиритки

Непечени колачи  со путер од кикиритки 

Многу вкусни колачи кои се спремаат многу брзо и лесно, а не требаат многу состојки. 

Изобилство на вкус на путер од кикирити ммм...

Состојки 

300 гр мелени бисквити

300 гр шеќер во прав

300 гр путер од кикиритки

200 гр маргарин

Глазура

200 гр чоколадо

100 гр путер од кикиритки

100 гр маргарин

                   

Подготовка

Најпрво измешајте ги сувите состојки.

Потоа додадете го маргаринот на собна температура и почнете да месите со рака.

Откако ќе се спои, додадете го путерот од кикиритки и измесете се убаво.

Смесата истурете ја во плехче 20х30 обложено со пек хартија или целофан и убаво истапкајте ја да се набие и израмнете ја. 

 ©Фотографиите се авторски. Забрането е преземање на истите без согласност на авоторт. 

Корнфлекс колачи со сусам, мед и ореви

 Корнфлекс колачи со сусам, мед и ореви 

 Прекрасен пандан на старите добри и обожавани Шишарки или Кукулички како ги викаме ние во Битола, кој за разлика од нив овде има во секој загриз крцкава структура и е исто толку заразен за јадење. Предноста е плус во тоа што не губите време со калапење, ами се се истура и потоа се сечи. Мераци! 

Состојки

200 гр потпечен сусам

220 гр чоколадо

220 гр маргарин

120 гр шеќер

260 гр мед

100 гр сечкани, дробени или толчени ореви

250 гр корнфлекс

 

Подготовка 

Во суво тавче потпечете го сусамот.

Корнфлексот издробете го со рацете да е поситен.

Ставете ги во тенџерче шеќерот, медот и маргаринот да се стопат и соединат на средна температура.

Во вангла ставете го корнфлексот и оревите. Ореви доколку сакате можи да додадете и дупло, а исто така кој сака (ние не го јадиме) можи да додаде и 100 гр суво грозје или брусница. Тргнете 50-60 гр од сусамот на страна и останатиот додадете го тука.

Измешајте и додајте ги стопените состојки. 

Повторно убаво измешајте и смесата истурете ја во плех обложен со пек-хартија и убаво со раце или алатка натиснете ја смесата да се збие и израмни насекаде.  

На крај посипете насекаде одозгора со сусамот ој го тргнавте на страна и убаво натапкајте го да се залепи со смесата.

Оставете да неколу часа да се здрви подобро и исечете ја на коцки, штангли или ромбови. 

©Фотографиите се авторски. Забрането е преземање на истите без согласност на авоторт. 

Посни мафини со јаболка наречени 4,3,2,1

 Посни мафини со јаболка наречени 4,3,2,1

Едни од изборот за посни колачи за гостите за посна слава беше овој, чиј изворен рецепт е во форма на кекс, но јас решив дека во форма на мафини ќе е многу позгодно и полично и за гостите и за моето време, така да, состојките внимателно ги изменив и ги прилагодив, па дојдоа, барем кај мене, за точно 12 мафини.

 

Инаку, овој колач е од оние запишаните во тефтерите од нашите баби, а името го носи спрема бројот на состојки со кои се започнува, додека останатите се сметаат како ситни додатоци на основата. 

Состојки

Чаша=180 мл

4 средни  јаболка

3 чаши брашно

2 чаши шеќер

1 чаша масло

1 лажиче пециво

1 лажиче сода бикарбона

3 лажички цимет

½ лажиче каранфилче

Сок од ½ лимон

1-2 раце сечкани ореви 

Подготовка 

Многу просто и едноставно. Сите состојки се мешаат со лажица.

Најголем напор во сиот рецепт е да се излупат и изрендаат јаболката. 

Со смесата полнете ги калапите за мафини на кои сте ставиле претходно хартиени корпиња и печете во загреана рерна на 200С околу 20на минути. 

©Фотографиите се авторски. Забрането е преземање на истите без согласност на авоторт. 

Паеља (Paella)

 Паеља (Paella) 

Популарната Паеља која доаѓа од шпанската кујна од таму каде ја запознав за прв пат беше и е многу фалено јадење. Како во мојата фамилија се повеќето одлични скептици, така никој од нив кој ми беа гости на посна вечера немал вусено школка, вклучувајќи се и самата себе.

Школки купив пред подолго време, онака, од радозналост, без идеја како ќе ги спремам и кој ќе ги јади, па повиканите гости беа добра множина за прв тест хаха Секако, покрај другите посни јадења на трпезата на избор.

Успев поголем дел да ги наведам да пробаат, едвај, со скепса.. потоа се бараше повеќе пати репете. Истото би го кажала и за себе, прекрасна! А школките, ма овие не се воопшто страшни за јадење, ако „локумчиња“ се испонашаа хаха

Како кај нас морски плодови нема свежи, значи најпрво кога ќе се решите да го спремате ова јадење треба да ги одмрзните. 

Се спрема се на рингла во една тава. Всушност ако ги спремите состојките совреме, многу лесно и брзо. 

Состојки

1 поголема главица кромид

3 чешниња лук

1 црвена пиперка

400-500 гр ситни исчистени школки

100 мл доматно пире

1 чаша (200мл) ориз

600 мл вода

1 коцка за супа

1 лажица шафран

1 лажица сув зачин солен

½ лажиче пимент

1 лажиче мешавина зачини (босилек, оригано, тимијан, мајоран)

Половина чаша бело вино

100 gr  конзерва грашак

Мала киска ситно сечкан магдонос

 

Подготовка 

На маслиново масло во тава за паеља, што кај мене таа беше избор на Делимано Грин планет округлата тава која одлично се вклопи како за сефте,се запржува кромидот исечкан на коцкички.

За брзо време се додава пиперката исто така исечкана на коцкички и лукот мнооогу ситно сечкан или поминат на преса.

Се пржи само колку да омекни, па се додаваат школките во време колку да им подизпари водата што ќе ја пуштат (неколку минути)па на кратко пржење доматното пире, по него оризот, по кој се става коцката за супа и по неа водата. Се остава да вари на малку појака од средна температура 10-15 минути за кое време оризот ќе треба да е скоро варен. Пожелно е да не се меша, но како мене ми беше новитет јас проверував со лажицата почесто. Не е ништо страшно и ако сакате да мешате.

Потоа се додаваат грашакот, зачините и виното, кое пред да се впие, за многу кратко време и магдоносот.

Важно е оризот да има сочност, да не довозволите многу да испари течноста и да е сув. А кога сме кај него, заборавив ви кажам дека се користи некоја специјална сорта на ориз, која нашиот можи одлично да си ја заврши работата чинам.

Готовата Паеља се служи топла, одозгора со со парчиња лимон, односно сокот од лимонот е многу пожелен за попрскување пред дегустацијата. И сечан магдонос...

©Фотографиите се авторски. Забрането е преземање на истите без согласност на авоторт. 

Пудинг од тиква со мандарини

Пудинг од тиква со мандарини  

Спојот на тиква и мандарина ќе ве воодушеви во ојој кремаст десерт каде е додаден и вкусот на чоколадото. Одлична комбинација за уживање. 

Состојки

150 гр варена тиква

250 мл млеко

55 гр нишесте

70 гр шеќер

3 мандарини

Прстофат сол

Прстофат цимет

 

Инстант пудинг од чоколадо

 

Подготовка

Исцедете ги мандарините, а од едната изрендајте ја и кората.

Измешајте го млекото шеќерот и нишестето и сварете крем.

Тргнете од  ринглата и додајте ја пасираната тиква, прст сол и прст цимет ако сакате и на крај сокот и кората од мандарините.

Кога се ќе се соедини вратете на рингла и мешајте додека не проврие.

Пудингот распоредете го во мали чаши, оставете да олади прво на собна температура па потоа еден час во фрижидер пред да го послужите. 

Јас решив да го сервирам со инстант пудинг од чоколадо, подготвен спрема неговото упатство. Дојде одлична комбинација! Иако и самиот пудинг од тиква и мандарини сите многу вкусно и пријатно не изненади. Ви го препорачувам обавезно кога ќе имате тиква и мандарини дома да го пробате.

Одозгора украсете со коцки печена тиква. Мојата беше варена, но со помош на дехидраторот на Делимано си направив совршени потсушени коцки за украс. Секако, можи и мандарини. Мелен орев, цимет и т.н. 

Една забелешка... Мене ми требаше да додадам уште една лажица од нишестето. Мандарини имав од големите, па можеби се собра повеќе сок, а и тиквата ми беше варена. 

©Фотографиите се авторски. Забрането е преземање на истите без согласност на авоторт. 

Пити - мафини со сирење

 Пити - мафини со сирење 

Се јавува снашката и ми вели Задушница е в сабота. Не сум по овие работи јас, но одам за атерот на блиските, во случајот за татко ми. И секогаш гледам да однесам нешто домашно, солено и благо. 

Корите во фрижидерот сами се имаа забораено. Не сакам повторливи работи, а ги земам за ете, да се најдат као. И овој пат совршено се најдоја како пити во форма на мафини. 

Состојки

400 гр кори за пита

400 гр изварка

3 јајца

100 мл масло

200 мл јогурт

½ пециво

½ лажиче сол или по потреба

Сусам за посип 

Подготовка 

Корите како што се завиткани во ролна исечете ги на парчиња од 1 см. Растресете ги убаво лентите.

Останатите состојки убаво измешајте ги и  во нив додадете ги растресените ленти од кори. Измешајте убаво. Не смее ни една сува да остани. (Доколку од некоја причина не ви е доволно течност заради тоа, додадете уште малку јогурт). 

Намрсете ги калапите за мафини и полнете ги со смесата(препорачувам силиконски). Одозгора наросете сусам и оставете ги 10на минути пред печење.

Печете на 200С 30на минути, односно додека фино не поруменат. Времето на печење зависи од длабината на калапите.

 

 ©Фотографиите се авторски. Забрането е преземање на истите без согласност на авоторт. 

Колач со суво овошје (без брашно и шеќер)

 Колач со суво овошје (без брашно и шеќер) 

Знам, зимски е колачов ако вршиме некои сезонски поделби, но мене супер ми се најде за носење. Едноставен, без некои посебни маки, а толку личен и шарен. За вкусот да не ви зборувам...си претпоставувувате, нели? :) 

Ајде накратко да ви раскажам како го правев

Состојки

800 гр суво овошје (по 200 од секое кое ќе го изберите на пример)

100 гр ореви

4 јајца

1 лажица мед

1 лажиче цимет

1/2 лажиче каранфилче

125 гр брашно од овесни снегулки

 

Подготовка

Изберете го видот на овошјето и нагодете ја вкупната грамажа за потребата на рецептот. Јас ставив 200 гр смокви, 200 гр кајсии, 200 гр урми, 100 гр сливи и 100 гр грозје како брусницата која ја намерив претходно ја употребив за Фанурија.

Ставете го овошјето во вода и оставете го 2 часа да кисни. Потоа исцедете го. 

Оревите во рерна, микробранова или во суво тавче, потпечете ги да пуштат арома.

Овесните снегулки ставете ги во Нутрибулет или мелница за кафе и сомелете ги во брашно. 

Во сад за матење изматете ги пенасто јајцата, па додадете го медот и матете уште некое време тој убаво да се соедини. Потоа додадете ги циметот и каранфилчето.

Потоа додадете го брашното од овесните снегулки, па оревите и исцеденото суво овошје.

Се убаво измешајте и истурете во долгунест калап обложен со пек-хартија.

Печете на 180С околу половина час. 

©Фотографиите се авторски. Забрането е преземање на истите без согласност на авоторт. 

Четири врсти на овесна каша за појадок

 Четири врсти на овесна каша за појадок 

Сум пробала уназат неколку начини на спремање на овесна каша, па дури и од оние готовите ќесички сум зела. Иако се трудам као еве, здраво да се хранам, но се тоа усилено и без некој мерак. 

Овој пат состојките така совршено си се погодија што јадењето на овесните каши конечно стана и задоволство. Секако, од повеќето врсти, ќе си имате и фаворит, но исто така, ако ја запазите основата и додатоците си ги надополните и со упте некоја врста на овошје или крем или што и да ви е по мерак и ќе ги користите повремено и како ваков вид на појадок чинам :) 

Нели примамливо изгледаат? :)  

Еве уште едно фотче, па да премниме на текстот :) 

Овесна каша со малини

 4 полни лажици овесни снегулки

100 мл цврст јогурт

1 лажица чиа

1 лажиче мед

100 мл бадемово млеко

6-10 малини

 

Овесна каша со банана и какао

4 полни лажици овесни снегулки

100 мл цврст јогурт

1 лажица чиа

1 лажиче мед

100 мл бадемово млеко

1 лажиче какао

½ банана

 

Овесна каша со путер од кикиритки

4 полни лажици овесни снегулки

100 мл цврст јогурт

1 лажица чиа

1 лажиче мед

100 мл бадемово млеко

1 лажиче путер од кикиритки

 

Овесна каша со јаболко и цимет

4 лажици овесни снегулки

1 лажиче чиа

100 мл течен јогурт

50 мл бадемово млеко

1 рендано јаболко

½ лажиче цимет

¼ лажиче каранфилче

1 лажиче мед

 

Подготовка

Спремањето е многу брзо и едноставно. Чекањето додека се изедат е малку помачно ако сте гладни : ) 

Само испасирајте го овошјето и потоа сите состојки измешајте ги убаво. Ставете ги во сад кој ќе го изберите, покријте го и оставете во фрижидер 2 часа. Потоа земете лажица и уживајте во вкусовите. 

©Фотографиите се авторски. Забрането е преземање на истите без согласност на авоторт. 

Бесквасна Фанурија

 Бесквасна Фанурија 

Фанурија е блага погача која се прави на денот на Св. Фануриј на 09.09. за која народот верува дека со нејзиното месење и осветување исполнува желби. Иако, црквата учи дека се прави за избавување на душата на мајката на Фануриј, која додека била жива вила многу лоша жена за разлика од нејзиниот побежен син. Така, Фануриј успеал во своите смртни маки да го измоли Бога за спасение на мајкината душа, при што домаќинките ќе месат блага погача молејки се за покој на мајката, а тој пак, за возврат ќе им се врати во сонот и ќе им кажи некоја пријатна новост што ќе им се случи во иднина. 

Се прави од 9 посни состојки, најчесто како кажав е блага погача и се прави со квасец, но нема строги правила дека мора, па оваа е бесквасна и мноооогу полесна за правење, особено успева кај оние кои не се со големо искуство во месењето тесто. 

Велат, Фанурија не мора да се прави исклучиво за самиот празник, ами било кога и да посакаш.

Состојки 

2 чаши брашно

1 лажиче сода бикарбона

1 кесе портокал шеќер

1 ванилин шеќер

½ чаша кафеав шеќер

1 чаша вода

Помалку од пола чаша масло

50 гр брусница

Прстофат сол

 

Подготовка  

Ставете ја рерната да се загрее на 200С.

Се мешаат сувите состојки, па во нив се додаваат водените.

Кога масата ќе стани компактна се истура во намастен и набрашнет калап.

Се става во рерната и се намалува на 180С веднаш.

Се печи околу 35 минути зависно формата на калапот.

Печената Фанурија се посипува со шеќер во прав и се декорира по желба.

 

*Оваа е доза за мал куглоф. Ако сакате за поголема, дуплирајте ги состојките. 

Фануријата подготвеназа емисијата Везилка посветена на Битола на 04.09.21 

Пресек 

©Фотографиите се авторски. Забрането е преземање на истите без согласност на авоторт.