Чоко - локум ролат со лешници

 Чоко - локум ролат со лешници 

Ролатов е многу едноставен а неодоливо вкусен. Се спрема за многу кратко време и исто така за кратко време откако ќе отстои во фрижидер веќе е спремен за сечење, иако јас не успеав да дочекам ни малку. 

Состојки 

За белиот дел

150 гр мек локум

150 гр шеќер во прав

1 лажица омекнат маргарин

За црниот дел

100 гр чоколадо за готвење

100 гр потпечени ситно сечкани лешници 

Подготовка 

Препорачливо е сите состојки да се на собна температура. Ова важи за белиот дел, за да се измеси тестото без поблем. Всушност, многу лесно и компактно се добива една убава еластична маса.

Значи, од состојките за белиот дел се заедно месиме.

 Потоа врз најлонска фолија или пек хартија одоздола и одозгора (одозгора и не мора ако не сакате, не се лепи така лесно) израмнете го во правоаголник со помош на сукалка.

 Чоколадото стопете го и со него премачкајте го белиот дел, а врз него наросете од крупно мелените лешници.

 

Со помош на фолијата завиткајте во ролат и оставете го во фрижидер барем половина час. Јас бев нестрплива и го исеков за нецели 10 минути. 

* Фотографиите се авторски. Забрането е преземање на истите без согласност на авоторт.

Оброк палента

 Оброк палента 

Се трудам полека да ја внесам палентата во менито на моите домашни. И секако, на ретко постепено ја внесувам, а секогаш имам дежа ву со најавата. 

-Што има за јадење? 
-Палента 
-Што е тоа палента? 

Засега успева. Пола јадеа, пола среќа што заскитале па не сакаат да пробаат. 
Ама има време, пак ќе дојдиме до дежа ву прашањето - Што е тоа палента? :)

Состојки 

900 мл вода

200 гр инстант палента

1 лажиче сол

20 гр путер

2 лажици кисела павлака

150 гр сирење

100 гр кашкавал

За сервирањето уште 

ајвар, млад кромид, маслинки за сервирање 

Подготовка 

Ставете ја водата и солта да зовријат, па полека со мешање додадете ја палентата и мешајте на потивок оган 2 минути.

Додадете го путерот и откако ќе измешате исто така и павлаката. Павлаката ќе му дај кремаст иглед на палентата.

Потоа издробете го сирењето и изрендајте го ашкавалот и измешајте ги.

Ставете ја палентата во намрсен калап и за кратко превртете ја на рамна чинија.

Одозгора сервирајте со ајвар, маслинки и перца од млад кромид.

* Фотографиите се авторски. Забрането е преземање на истите без согласност на авоторт.

Полнети тиквички со мелено месо и бешамел

 Полнети тиквички со мелено месо и бешамел 

За прв пат во локалниот маркет зачекав тиквички со ваков облик и морав да ги пробам :) 

Еве како се искреира ручекот - 

Состојки 

4 топчести тиквички

0,5 кг мелено месо

1 поголем компир

1 кромид

1 рамна лажица вегета

1 лажиче чаден пипер

1 лажиче италијански зачини

½ лажиче пимент

200 мл готов бешамел

1/3 лажиче лук во прав

 

Подготовка 

Издлабете ги тиквичките откако ќе ја засечите дршката.

Семките фрлете ги, а месото длабете го колку можите до потекни ѕидови.

Месото од тиквичките исечкајте го ситно. Исто и кромидот, а компирот изрендајте го.

Во нелеплива тава со масло ставете ги заедно и пржете ги додека омекнат.

Додадете го пиперот, па меленото месо и малку покасно зачините.

Пржете додека се испжи месото, т.е. испари течноста од него, па додадете го бешамелот. Мешајте и допржете додека се убаво се соедини и добие кремаста густина.

 

Полнете ги тиквичките со филот и затворете ги со отсечената дршка.

Ставете ги во намастена тава и полејте во неа 1 чаша вода.

Во тавата покрај тиквичките можи да ставите и некој прилог кон јадењето, како потенко исечени компири, прокељ и морков.

Печете во загреана рерна на 200С 

*Доколку ви остани малку од филот, можи да го додадете во тавата или пак да го принесете откако ќе го сервирате јадењето, како додаток на некој погледен J

* Фотографиите се авторски. Забрането е преземање на истите без согласност на авоторт.

Чиа пудинг со банана

Чиа пудинг со банана 

Состојки 

1 банана

1 лажица чиа

1 лажиче мед

90 мл јогурт

Малку ореви и шлаг 

Подготовка 

Испасирајте ја бананата и потоа измешајте ја кашата со медот.

Додадете ги јогуртот и чиата, измешајте убаво.

Истурете ја смесата во чаша и покријте ја сокапак или, стреч или алу фолија .

Оставете ја во фрижидер преку ноќ.

Издробете ореви, ставете шлаг и над него повторно ореви.

Послужете за појадок.

 

* Фотографиите се авторски. Забрането е преземање на истите без согласност на авоторт.

Пудинг со желирано овошје

 Пудинг десерт со желирано овошје 

Едноставно, а мнооогу вкусно! 

Состојки 

1 литар млеко

2 пудинзи од ванила

6 лажици шеќер

10на јаготки

2-3 киви

2 портокали

300 мл вода

25 гр желатин

1 лажица шеќер

1 ванила

10на цимет карамел бисквити

Подготовка 

Сварете го пудингот со млекото и шеќерот вообичаено.

Во чаши издробете по една до две бисквити зависно од ширината на дното.

Врз нив турете од сварениот пудинг полнејќи 2/3 од нивната зафатнина.

Исечјакте го овошјето и распоредете го врз пудингот.

Додека се спрема пудингот, желатинот растворете го во вода спрема упатството.

Загрејте ја водата до вриење, додадете ги шеќерите и здрвениот желатин и мешајте да се раствори.

Истурете врз овошјето. *За да нема пена, турајте го полека низ цедилка.

Почекајте да излади и ставете го во фрижидер неколку часа. 

* Фотографиите се авторски. Забрането е преземање на истите без согласност на авоторт.

Бомбици со сусам и локум

 Бомбици со сусам и локум 

Основата е стар рецепт, а изведбата и печатот се моја инспирација од моментот. 

Состојки 

200 гр локум

200 гр потпечен сусам

100 гр шеќер во прав

Сок од еден лимон

Јатки ореви за украсување 

Подготовка 

Локумот се сечка и се меси со сусамот, шеќерот во прав и сокот од лимон до компактна смеса.

Со влажни раце се обликуваат бомбици и одозгора врз секоја бобица се втиснува јатка орев.

Се оставаат врз рамна чинија да се просушат 2-3 часа пред да ги сладирате во кутија или наредите во хатриени корпиња. 

* Фотографиите се авторски. Забрането е преземање на истите без согласност на авоторт.

Бротшен (Brötchen)

 Бротшен (Brötchen)

Прочуените германски лепчиња конечно во моја изработка. Од надвор крцкави, од внатре меки памук. Толку ги сакам што еднаш кога бев Германија на шетање единствено нешто што донесов со мене и тоа во рачен багаж беа 4 вакви Бротшен :))) 

Малку има тинтрање ама вреди за денот што ќе се помини со нив.

 Моето искуство со сувиот квасец е запрепастувачко кога се работи за тесто, па како и така една половинка свеж мораше да се искористи, користев свеж. Иначе, изворниот рецепт вели сув.

Состојки

7 гр сув квасец или ½ свеж

1 лажица шеќер

375 мл млака вода

500 гр брашно  

10 гр сол

Подготовка

Значи, во садот за месење се истура 300 мл млака вода, се става шеќерот и се рони квасецот. Се меша убаво и се покрива со стреч-фолија да надојди квасецот 15 минути.

Потоа се додава останатата вода и половина од брашното (250 гр) и убаво се меша со помош на дрвена лажица.

Повторно се покрива со фолијата и се остава еден час тестото да нарасне и да се формираат многу дупчиња и шуплини.

 

Потоа се додава солта и останатото брашно и повторно се меша со лажица додека се соедини, па на многу малку набрашнета работна површина се истура и се меси со помош на шпатула на почетокот. Бидејќи е многу лепливо во почетокот се додава многу по малку брашно и со алатката се меси од надвор кон внатрешноста. Чинам дека можеби овде и миксер би завршил работа (ќе пробам следниот пат).

Тестото откако ќе се помачите во почетокот полека, полека ќе почни да си ја зазема формата. Тогаш е потребно да се меси 10на минути при што повремено можи и да го удирате силно од работната површина.

 Кога е готово, се враќа во садот во кој се месеше претходно намрсен со масло, а потоа и тестото насекаде околу. Се покрива повторно со стреч фолија и се остава уште еден час.

 Рерната ја пуштаме да се загрее на 230С.

 Тестото потоа благо се размесува и се дели на 12 дела или можи да си ги мерите парчињата да ви тежат 60, 80 гр.

 Секое делче се обликува во топче. Топчето прво го расплескуваме со раце како за кифла без многу да ги гмечиме краевите и потоа го роламе како кифла, при што на секое виткање краевите ги пикаме на внатре за да се добие обликот кој е потребен.

 Оформеното лепче го дотеруваме малку, па така сите ги редиме во плех оддалечени меѓу себе.  Ги покриваме да не се сушат.

 По 10 минути, во рерната на најдолната решетка ставаме плех.

Доколку немате уште еден плех, решетка и сл, тогаш ставете некоја тепсија на дното на рерната.

 По 5 мин ставете жешка вода во плехот.

 Лепчињата по правило треба да се прскаат со пумпица со вода, но како немав време да се снаоѓам со таа опција, јас ги премачкував со четка. Со неа 2 пати прснав и општо насекаде. 

Ги ставаме во рерна да се печат.

 По 10 минути се отвора рерната и повторно се мачкаат со вода, а плехот се завртува.

Се печат уште 10 минути, се вадат и не се покриваат со ништо.

 Добро е да ги искористите истиот ден. Доколку пак мора да преноќат, тогаш чувајте ги во хартиена ќеса за да се задржи она кое ги прави такви какви што се. 

* Фотографиите се авторски. Забрането е преземање на истите без согласност на авоторт.

Бушави чајни колачиња

 Бушави чајни колачиња 

Кога е хитна работата за десерт - брзо, едноставно и многу вкусно. 

Состојки 

250 мл млеко,

2 лажици шеќер,

1 ванилин шеќер,

30 гр чоколадо за готвење,

30 гр путер,

2 лажици Нутела

Уште

По потреба чајни колачиња

По потреба кокос

По потреба Нутела

Подготовка 

Сите наведени состојки се ставаат во помал огноотпорен сад и се загреваат до вриење. Во меѓувреме се меша да се соединат и стопат заедно.

 

Се трга од рингла и се става од чајните колачиња кои се вадат по 2 минути.

Се лепат по две со нутела и се валкаат во кокос.

Во средината се дополнува со Нутела. 

Брз појадок со тортиљи

 Брз појадок со тортиљи 

Се спрема многу брзо, потребребно е само да имате нелеплива тава со капак и секако добар апетит за јадење. Ќе ве плени со вкусот кој го дотерав неодоливо да потсетува на пица. 

Потребно 

4 големи тортиљи

3 јајца

1 домат

220 гр шункарица

180-200 гр кашкавал

Сол, пимент, италијански зачини 

Подготовка 

Со вилушка изматете ги јајцата, посолете и додадете малку пимент или црн бибер. Јас биберот го заменувам со пимент заради иритација во желудникот.

Кашкавалот изрендајте го, а шункарицата да е исечена на тенки кругови. И доматот исечкајте го на потенки кругови.

Ќе ви треба нелеплива тава за оваа вкусотија која ќе ја премачкате со путер и над него ќе ставите малку помалку од половина од матените јајца. Извртете ја тавата насекаде по дното да има.

Врз нив ставете една тортиља, а врз неа наредете шункарица и посипете со ренданиот кашкавал и италијанскиот зачин, па поклопете со иште една тортиља.

Врз таа тортиља наредете ги круговите домати и посипете ги со рендан кашкавал и италијанскиот зачин. Поклопете со тортиља врз која ќе наредите исто како првиот пат со шункарицата и завршете повторно со тортиља.

Врз неа распоредете го остатокот од разматените јајца насекаде.

Поклопете ја тавата со капак и ставете ја на загреана рингла на ниска температура. Кај мене од 9 можни, се печеше на 5ка.

По правило треба така да се печи 5 минути, но јас секогаш пролонгирам. Всушност се водам на мирисот. Кога ќе ми замириса на печено (не на изгорено хаха) се отвора капакот и се превртува од другата страна. Повторно поклопете и оставете 5 минути.

Готово е! Веднаш ставете го на поголема рамна чинија и навалете : )

* Фотографиите се авторски. Забрането е преземање на истите без согласност на авоторт.

Куглоф - гибаница

 Куглоф - гибаница 

Да разбиеме клише во тава, овој пат во форма на куглоф. 

Интереснен на поглед е пресекот ако се решите да ја правите само со изварка (урда), но мој избор би бил да е мешана со сирење. Овде пресентирана е само со урда. 

Земајте чаша вкусен јогурт и навалете :) Ние овој пат со домашно кисело млеко спремено во Делимано апаратот. 

Состојки 

1 пакетче готови кори

5 јајца

1 пакетче пециво

150 мл масло

400 мл кисело млеко

1 лажица брашно

300 гр сирење или 400 гр изварка 

Подготовка 

Корите како што се заролани ги сечиме на 1 прст дебелина. Ги растресуваме убаво да се потсушат додека го спремаме останатиот дел.

 Во длабок сад за месење се разматуваат јајцата. Им се додава пецивото, маслото и водата. Се убаво се соединува и се додаваат и останатите работи со мешање.

 Ако користите изварка и не е доволно солена додадете маллку сол, а ако користите сирење издробете го претходно. Секако, можи и да ги комбинирате. Јас овој пат се решив само со изварка.

 Исечканите кори се истураат во садот за месење и се меша да се соедини.

 Во намастен и набрашнет калап за куглоф се истура смесата и се печи 40на минути на 170С.

 Послужете со чаша јогурт или кисело млеко. 

* Фотографиите се авторски. Забрането е преземање на истите без согласност на авоторт. 

Брза фокача со млад кромид, домати и маслинки

 Брза фокача со млад кромид, домати и маслинки

Многу ги сакам брзите работи, иако знам да се зацапам во некој „проект“ со денови. Знаеме дека Фокачите бараат повеќе време за да се спремат, а оваа е експресно брза и е Фокача! Плус, многу вкусна 😋

Состојки 

400 гр брашно

20 гр квасец или 1 пак сув (1 полно лажиче)

200 мл млака вода

Нецело мало филџанче масло

1 лажиче сол

1 рамно лажиче шеќер

 

2 млади кромитчиња со се зелените перца

1 младо лукче (ако сакате)

1 домат

Неколку маслинки

Крупна сол, оригано и маслиново масло 

Подготовка

Во млаката вода растворете го квасецот со шеќерот и малку брашно. Оставете го да запени, потоа со сите состојки замесете меко глатко тесто. Мене ми требаше уште малку вода, но тоа веројатно зависи и од типот на брашното како и млакоста на водата.

 Премачкајте го со масло да не лепи, покријте го и иставете го 20 мин да нарасни.

Потоа извадете го тестото од вангла и раплескајте го во тепсија (користев 28) обложена со пек-хартија до самите рабови.

 Со помош на рачка од дрвена лажица направете дупчиња во тестото и наредете ја со ситно сечкан кромид, тенки парчиња домати (секако и шери доматчиња одлично би се вклопиле овде наместо стандардите) и наредете маслинки.

На крај посолете со крупна сол и оригано и попрскајте или премачкајте ја со маслиново масло.

 Покријте ја и оставете ја уште 20 минути, па печете ја во загреана рерна на 200С  околу 40на минути.

* Фотографиите се авторски. Забрането е преземање на истите без согласност на авоторт. 

Сутлијаш коцки

 Сутлијаш коцки 

Десертите со варијации на Сутлијаш ми се многу драги и вкусни. Ретко кој не сака Сутлијаш, како на пример моите деца никогаш не го вкусиле и не можам да ги натерам, но за вистинските сладокусци на овој десерт, овие коцки се полн погодок! ;) 

Потребно 

1 литар млеко

200 гр ориз

1 пакетче желатин

200 мл слатка павлака

1 кутија (450 гр) црно – бел крем

 

Уште

250-300 гр бисквити

100 мл слатка павлака или 1 пакетче шлаг крем 

Подготовка

На дното на тенџерчето се сипува малку вода, колку да го прекрие. Кога ќе зоврие се додава млекото. Кога и тоа ќе зоврие се додава оризот и се вари со повремено мешање, особено на крај. Отприлика потреби се 20на минути.

 Во сварениот Сутлијаш се додава претходно набабрениот желатин и убаво се меша.

Се остава убаво да олади.

 Во оладениот Сутлијаш се меша претходно изматената слатка павлака и се дели на 2 дела.

Во едниот се додава белиот, а во другиот црниот крем.

 Калап 20х20 се реди со бисквити кои можи да се намакаат во млеко (јас не ги макав), па се става половина од белиот крем, бисквити – половина од црниот крем, бисквити остатокот од белиот крем и бисквити и остатокот од црниот крем.

 Одозгора се премачкува со слатка павлака или шлаг крем спремен спрема упатството.

 Редоследот на црн и бел крем можи да го смените, ако се одлучите најгоре за шлаг крем од ванила или чоколадо, со тоа што се запазуваат шарите на слоевите да се различни.

 Се остава преку ноќ се убаво да се стегни и спои, па се сечи на коцки. 

 

* Фотографиите се авторски. Забрането е преземање на истите без согласност на авоторт.