Ролати со мелено месо печени на рингла

 Ролати со мелено месо печени на рингла

Ќе се заљубите го залачињава ако ги пробате. А толку лесно и брзо се спремаат, исто како и што на топли кога наваливме да ги изедиме.  Жалам што сликите не се толку успешни да ја доловат неговата вистинска вкусотија, но се мораше брзо да се работи кога е глад и убава миризба на јадењето во прашање. Две парчиња успеаа да постојат и изладат за да можам покасно барем пресек да сликнам попристојно иако и тогаш пред гости.

Потребно 

За тесто

200 гр брашно

1 прашак за печење

5 гр сол

20 мл млеко

20 мл масло

150 гр кисела павлака

За фил

250-300 гр мелено месо

150 гр кашкавал

1 јајце

1 главица кромид

20 гр магдонос

Сол и зачини – сув зачин, пимент или бибер, прованса или италијански зачини

 

Подготовка

Во сад ставете ги сувите состојки за тесто. Измешајте и додадете ги водените, па замесете глатко тесто.

Тестото покријте го и оставете го 15 минути да одмори.

За тоа време спремете го филот.

Исечкајте ги кромидот и магдоносот ситно, а кашкавалот изрендајте го .

Сите состојки додадете ги во еден сад и измешајте или измесете ги убаво.

Одмореното тесто расучете го на набрашнета површина во правоаголник.

Премачкајте го со филот од мелено месо и завиткрајте го во ролат.

Ролатот исечете го на парчиња со дебелина од околу 3 см.

Секое исечено парче малку сплескајте го од страните на филот и редете ги во поголема тава (да си собери сите, добра е бр 28) во која сте ставиле 1,5 ракиена чаша масло (отприлика). 

Пржете ги на умерена сила на ринглата додека заруменат и потоа превртете ги од другата страна. Додајте 50-60 мл вода и покријте ги со капак. Така динстајте ги 20 минути на ниска температура (најмногу на третина од вкупната јачина на ринглата). 

Послужете ги со павлата одозгора. 

©Фотографиите се авторски. Забрането е преземање на истите без согласност на авоторт. 

Домашна посебна пилешка салама

 Домашна посебна пилешка салама 

Ваквата салама на јадење многу потсетува по вкус на една паштета која се рекламира како поприродна за разлика од другите.

Пробајте, верувам дека ќе ви се допадни и вам да имате домашна салама без адитиви и емулгатори.

Состојки

0,5 кг пилешки стек

2 ловоров лист

700 мл вода

1  лажиче и малку  сув зачин

1/2 лажиче пимент

6-7 зрна црн бибер

5-6 лажици сок од конзервирано цвекло

2 пакетчиња (20гр) желатин

 

Подготовка 

Стекот е вари со ловоровиот лист најмалку 30на минути во поклопено тенџере.

Потоа се сечка на парчиња, му е додаваат зачините и 2/3 од водата во која се вареше. Се става во бледнер и се блендира. 

Откако ќе стани каша, се додава постепено последната третина вода и се внимава густината да е како густ јогурт (слична како битолскиот во ладна состојба). Значи 700 мл е репер кој можи да е малку повеќе или помалку во зависност од потребната опишана густина. 

Пред да почните да блендирате ставете го желатинот во шолја со 50на мл вода да желира. По 10 минути растопете го така што ќе додадете дел од жешката вода во која се варело пилешкото. Мешајте потполно да се стопи. Додадете го кон крајот на мешањето на смесата за паштета заедно со сокот од цвеклото кој ќе му даде освен убав шмек во вкусот и боја како на купечките салами.

 

За поубав вкус, вода додавајте од онаа во која се варел стекот. Доколку не ви стигни додавајте на крај обична вода.

Доколку не е солен сувиот зачин додадете и сол спрема вкусот. Всушност на крајот течноста пробајте ја и за дотерување со зачините по ваша желба и вкус. 

На крај истурете ја добиената смеса во пластично шише. Ако сакате послаба салама во дијаметар, употребете полкилски шишиња (ќе ви требаат две), или во едно литарско. 

Оставете потополно да олади и потоа ставете го во фрижидер неколку часа. 

 ©Фотографиите се авторски. Забрането е преземање на истите без согласност на авоторт. 

Шишарки

 Шишарки 

Колку ми е чуден зборот шишарки хаха...ние во Битола цел живот кукулички си ги викаме, но ајде, насловот за да разберат сите што сакал да раскажи авторот :) 

Имам рецепт многу постар за шишарки (ќе биди и тој кога ќе му дојди монентот) од овие кои се прават од зрнести чоколадни житарки, но овие се веќе 3де верзија :) Многу шармантни на изглед и автентични на трпезата за симските празници. 

Можи да ги направите од било кој рецепт за бомбици кои се поцрврсти за оформување. 

Состојки 

Чаша = 150 мл

2 чаши шеќер

1 чаша вода

125 гр маргарин

100 гр какао

300 гр мелени бисквити

1 рендана кора од портокал

1 портокал шеќер

50 гр крупно мелени ореви

 

Чоколаден корнфлекс 

 Подготовка 

Зовријте ги шеќерот и водата. Намалете ја температурата и додадете го маргаринот и какаото.

Откако ќе се соединат, тргнете од рингла и додадете ја кората од портокал и портокал шеќерот.

По неколку минути, кога малку ќе подолади, додадете ги оревите и бисквитите. Додколку има потреба за цврстина додадете од бисквитите или ореви.

Оставете смесата да олади. Па формирајте конусни облици. Ставете ги во замрзнувач да се стегнат на 15на минути и потоа редете ги со чоколаден корнфлекс.

Послужете ги попрскани со шеќер во прав. 

 ©Фотографиите се авторски. Забрането е преземање на истите без согласност на авоторт. 

Дилбер баклава

 Дилбер баклава 

Една малку поинаква баклава која ни доаѓа од турската кујна која секако мами пред се со изгледот да се проба. И иако звучи комплицирано, сепак е многу лесно да се направи. 

Нас ни беше прекрасен десерт за Василица, за вртење на парето со мазникот. 

Потребно

За шербет

400 мл вода

300 мл шеќер

2 лажици сок од лимон

За тесто

350 гр брашно

1 јајце

200 мл јогурт

150 мл масло

1 лажиче прашок за печење

Уште

150на гр толчени или ситно сечкани ореви

30на гр нишесте

2х2 см коцка путер

 

Подготовка

Прво сварете го шербетот. Откако ќе зоврие намалете ја температурата и варете го 7 минути. Потоа додадете го сокот од лимон и варете уште 3 минути. Оставете да излади.

Од состојките замесете мазно тесто. Тестото месете го 3 минути обавезно.

Потоа поделете го на 11 дела, направете топчиња, покријте ги убаво и оставете ги да одморат половина час.

Секое топче со сукало се сучи во дијаметар од 20 см и се редат едно врз друго. Ова е ако сакате баклавата да дојди како усни. Ако сакате да е разлистана, како оваа мојата, тогаш меѓу секое исукано тесто нанесувате нишесте. Јас решив прво вака со нишесте да ја пробам, а следен пат без, па ќе видиме како ќе е поубава.

Нареденото тесто исукајте го со дебелина од 4 мм и со поширока чаша или кружно калапче вадете кружни форми.

Полнете ги со толчените ореви и превиткајте ги, но не ги стегајте, само нежно. Финтата е додека се печат благо да се отворат. 

Наредете ги во плех, премачкајте ги со стопен путер и печете на 190С околу 20-25 минути, зависно од вашата рерна. 

Испечената баклава по една минута додека е жешка прелијте ја со лажица, секое одозгора со ладниот шербет.

Одозгора посипете ореви, `фстаци или кокос. 

 ©Фотографиите се авторски. Забрането е преземање на истите без согласност на авоторт. 

Урмини сусам прсти

 Урмини сусам прсти 

Овој рецепт доаѓа од арапската кујна и секако, полнежот е со урми :) 

Покрај урми можи да се употреби и локум, а ако се решите за него, гледајте да е некој со арома. Јас во последното парче тесто ставив локум со вкус на портокал и ммм... и тоа испадна одлично. 

Инаку, за толку и не ми стаса од смесата за урми, па вие кои ќе решите да го правите не е проблем и од старт да употребите уште 100 гр плус, тоа нема да се одрази на мерките. Урмите всушност треба да се паста од урми, која кај нас се разбира ја нема, па користиме урми без коски, а како, читајте надолу :) 

Потребно

За тесто 

2 јајца

½ чаша шеќер

¾ чаша масло

1 лажица ванила

Прстофат сол

½ чаша нишесте

½ чаша млеко во прав

½ лажиче прашок за печење

2 чаши брашно

За фил

400 гр урми

2 лажици масло

1 лажиче цимет

За премачкување и валкање

2 лажички мед

2 лажички вода

150 гр сусам

 

Подготовка

Рецептот е арапски и во него се користи готова паста од урми, а во наши услови урмите ги мелиме во Нутринулетот (во сецко пробав, ама не биваше) по 100 гр во кои додаваме по едно лажиче масло, а во меѓувреме и циметот. 

Пастата од урми ја делиме на неколку дела и правиме ваљаци со дебелина од половина см или потенки од прст.

Ги оставаме на ладно додека го спремаме тестото. 

За тестото ставете ги сувите состојки во сад за месење и измшајте ги.

Останатите состојки ставете ги во блендер и блендирајте ги до згуснување. Ако немате блендер користете миксер.

Потоа додадете ги во ванглата со сувите состојки и измесете глатко тесто.

Земајте парче од тестото и растанчете го ТЕНКО во правоаголник со големина колку ваљакот кој треба да го сместите во него и да го затолате рамномерно со тестото. Потоа залепете ги краевите на спојот и заролајте го додатно. 

Премачкајте го секој ваљак со мешавината мед и вода и потоа изролајте го обилно во сусам.

Исечете ги ваљаците во должина на прст и наредете ги во плех. 

Печете на 190С 13на минути, односно додека се потпечи сусамот. 

 ©Фотографиите се авторски. Забрането е преземање на истите без согласност на авоторт. 

Раванија со јаболка и ореви

 Раванија со јаболка и ореви 

Ах колку ми се сакало последно долго време некое вакво потурено благо... А оваа комбинација дојде како полн погодок. Едноставно, ама душата мерак ја разблажи ;) 

Подготовка 

За тесто

4 јајца

12 лажици млеко

12 лажици масло

12 лажици гриз

12 лажици брашно

1 прашак за печење

1 ванилин шеќер

3 рендани јаболка

100 гр крупно мелени ореви

 Шербет

650 гр шеќер

900 мл вода

 

Подготовка 

Кремасто изматете ги јајцата со шеќерот и ванилата.

Потоа со намалена сила на миксерот додавајте ги редоследно состојките.

Истурете ја во намрсена тепсија и печете на на 170С .

Јас ја печев во тепсија 20х30 и беше солидно висока.

Шербетот спремете го совреме. Откако ќе зоврие, варете на ниска температура уште некои 5 минути и потоа оставете го да олади.

Се потура ладен шербет и млака раванија. 

 ©Фотографиите се авторски. Забрането е преземање на истите без согласност на авоторт. 

Ашуре

 Ашуре 

Ашуре е турски десет кој муслиманите се прави во одреден период од годината наречен Месец на Ашуре. Толку научив од пријатели кога ја споделив сликата од ашурето на мојот профил на ФБ. Ако знае некој повеќе нек е излажала. Повод беше една затурена пченица, дел од гравот кој се вареше за гравче тавче и осамениот наут во конзерва. За да го направам решив да видам повеќе рецепти и да си створам еден н.з.с. ☺ Приметив дека во мк групи кај го гледав го прават без наут, грав и често и млеко. Решив да гледам турски рецепти. Е тие се со овие додатоци. Па, кад је бал, нек је маскембал хаха Не бидете скептици, пробајте го вака комплетно. Јас скептик бев воопшто, но завршив воодушевена од вкусот, а како го поделив по комшии и пријатели, реакцијата беше иста.  а пиши во коментар.

Долго време го гледав овој десерт по групите и не се осмелував да го направам. Мислев дека е некоја помија од блага вода и зарзават што плива во неа. Не сме ние многу мераклии по сувото овошје, а тоа преовладува овде. Ах, колку сум се излажала. Повод беше една затурена пченица, дел од гравот кој се вареше за гравче тавче и осамениот наут во конзерва. За да го направам решив да видам повеќе рецепти и да си створам еден н.з.с. ☺ Приметив дека во мк групи кај го гледав го прават без наут, грав и често и млеко. Решив да гледам турски рецепти. Е тие се со овие додатоци. Па, кад је бал, нек је маскембал хаха Не бидете скептици, пробајте го вака комплетно. Јас скептик бев воопшто, но завршив воодушевена од вкусот, а како го поделив по комшии и пријатели, реакцијата беше иста. 

Состојки 

2 шолји варена пченица

1 шолја варен грав

1 шолја варен наут

100 гр индиски ореви

70 гр лупени бадеми

100 гр суви кајсии

80 гр суви смокви

80 гр урми

80 гр суви сливи

50 гр сува брусница

Кора од 1 портокал

3 чаши шеќер

1 лажиче нишесте (или 1 лажица ако е пореко)

1 шолја млеко

Цимет

 

Подготовка 

Сварете ги пченицата, наутот и гравот одделно. Секако, можи да користите конзервирани за полесно и побрзо.

Додека се чека да се варат зрната, ставете ги бадемите во жешка вода да отстојат додека излади и потоа излупете ги лесно.

Можи да користите и лешници или било какви јатки ако сакате, секако тоа важи и за сувото овошје. Колку повеќе, толку побогато на вкус.

Со алатка за лупење излупете ја кората од еден исчистен портокал и исечкајте ја на коцкички.

Кога сите зрна ќе бидат скоро варени, омекнати, ги ставаме заедно во поголемо тенџере и им додаваме од нивната вода за почеток 5,6 чаши и вариме 10 минути откако ќе зоврие. 

Го сечкаме сувото овошје и го додаваме заедно со јатките и кората од портокал во тенџерето. На крај го додаваме и шеќерот и додаваме уште 4 +/-  чаши вода. Додавањето на течност не е правило во мерките. Треба да е потечно, а не густо со зарзаватите внатре.

Оставаме да вари на појак од среден оган 10-15 минути.

Нишестето го раствораме во млекото и го додаваме во тенџерето. Сега мешаме често и откако ќе зоврие вариме уште неколку минути, па го тргаме од рингла.

Цимет можи да додадете во него или откако ќе сервирате одозгора. Јас се решив за одозгора, затоа што не можев да одолеам на тој коктел од арома да не го оставам таков каков што е.

 Сервирајте го во мали чинивчиња, поделете го со пријателите и блиските и уживајте во вкусотијата.

 

П.С.: Доколку сакате посна верзија, млекото заменете го со вода.  

 ©Фотографиите се авторски. Забрането е преземање на истите без согласност на авоторт. 

Непечени колачи со путер од кикиритки

Непечени колачи  со путер од кикиритки 

Многу вкусни колачи кои се спремаат многу брзо и лесно, а не требаат многу состојки. 

Изобилство на вкус на путер од кикирити ммм...

Состојки 

300 гр мелени бисквити

300 гр шеќер во прав

300 гр путер од кикиритки

200 гр маргарин

Глазура

200 гр чоколадо

100 гр путер од кикиритки

100 гр маргарин

                   

Подготовка

Најпрво измешајте ги сувите состојки.

Потоа додадете го маргаринот на собна температура и почнете да месите со рака.

Откако ќе се спои, додадете го путерот од кикиритки и измесете се убаво.

Смесата истурете ја во плехче 20х30 обложено со пек хартија или целофан и убаво истапкајте ја да се набие и израмнете ја. 

 ©Фотографиите се авторски. Забрането е преземање на истите без согласност на авоторт. 

Корнфлекс колачи со сусам, мед и ореви

 Корнфлекс колачи со сусам, мед и ореви 

 Прекрасен пандан на старите добри и обожавани Шишарки или Кукулички како ги викаме ние во Битола, кој за разлика од нив овде има во секој загриз крцкава структура и е исто толку заразен за јадење. Предноста е плус во тоа што не губите време со калапење, ами се се истура и потоа се сечи. Мераци! 

Состојки

200 гр потпечен сусам

220 гр чоколадо

220 гр маргарин

120 гр шеќер

260 гр мед

100 гр сечкани, дробени или толчени ореви

250 гр корнфлекс

 

Подготовка 

Во суво тавче потпечете го сусамот.

Корнфлексот издробете го со рацете да е поситен.

Ставете ги во тенџерче шеќерот, медот и маргаринот да се стопат и соединат на средна температура.

Во вангла ставете го корнфлексот и оревите. Ореви доколку сакате можи да додадете и дупло, а исто така кој сака (ние не го јадиме) можи да додаде и 100 гр суво грозје или брусница. Тргнете 50-60 гр од сусамот на страна и останатиот додадете го тука.

Измешајте и додајте ги стопените состојки. 

Повторно убаво измешајте и смесата истурете ја во плех обложен со пек-хартија и убаво со раце или алатка натиснете ја смесата да се збие и израмни насекаде.  

На крај посипете насекаде одозгора со сусамот ој го тргнавте на страна и убаво натапкајте го да се залепи со смесата.

Оставете да неколу часа да се здрви подобро и исечете ја на коцки, штангли или ромбови. 

©Фотографиите се авторски. Забрането е преземање на истите без согласност на авоторт. 

Посни мафини со јаболка наречени 4,3,2,1

 Посни мафини со јаболка наречени 4,3,2,1

Едни од изборот за посни колачи за гостите за посна слава беше овој, чиј изворен рецепт е во форма на кекс, но јас решив дека во форма на мафини ќе е многу позгодно и полично и за гостите и за моето време, така да, состојките внимателно ги изменив и ги прилагодив, па дојдоа, барем кај мене, за точно 12 мафини.

 

Инаку, овој колач е од оние запишаните во тефтерите од нашите баби, а името го носи спрема бројот на состојки со кои се започнува, додека останатите се сметаат како ситни додатоци на основата. 

Состојки

Чаша=180 мл

4 средни  јаболка

3 чаши брашно

2 чаши шеќер

1 чаша масло

1 лажиче пециво

1 лажиче сода бикарбона

3 лажички цимет

½ лажиче каранфилче

Сок од ½ лимон

1-2 раце сечкани ореви 

Подготовка 

Многу просто и едноставно. Сите состојки се мешаат со лажица.

Најголем напор во сиот рецепт е да се излупат и изрендаат јаболката. 

Со смесата полнете ги калапите за мафини на кои сте ставиле претходно хартиени корпиња и печете во загреана рерна на 200С околу 20на минути. 

©Фотографиите се авторски. Забрането е преземање на истите без согласност на авоторт. 

Паеља (Paella)

 Паеља (Paella) 

Популарната Паеља која доаѓа од шпанската кујна од таму каде ја запознав за прв пат беше и е многу фалено јадење. Како во мојата фамилија се повеќето одлични скептици, така никој од нив кој ми беа гости на посна вечера немал вусено школка, вклучувајќи се и самата себе.

Школки купив пред подолго време, онака, од радозналост, без идеја како ќе ги спремам и кој ќе ги јади, па повиканите гости беа добра множина за прв тест хаха Секако, покрај другите посни јадења на трпезата на избор.

Успев поголем дел да ги наведам да пробаат, едвај, со скепса.. потоа се бараше повеќе пати репете. Истото би го кажала и за себе, прекрасна! А школките, ма овие не се воопшто страшни за јадење, ако „локумчиња“ се испонашаа хаха

Како кај нас морски плодови нема свежи, значи најпрво кога ќе се решите да го спремате ова јадење треба да ги одмрзните. 

Се спрема се на рингла во една тава. Всушност ако ги спремите состојките совреме, многу лесно и брзо. 

Состојки

1 поголема главица кромид

3 чешниња лук

1 црвена пиперка

400-500 гр ситни исчистени школки

100 мл доматно пире

1 чаша (200мл) ориз

600 мл вода

1 коцка за супа

1 лажица шафран

1 лажица сув зачин солен

½ лажиче пимент

1 лажиче мешавина зачини (босилек, оригано, тимијан, мајоран)

Половина чаша бело вино

100 gr  конзерва грашак

Мала киска ситно сечкан магдонос

 

Подготовка 

На маслиново масло во тава за паеља, што кај мене таа беше избор на Делимано Грин планет округлата тава која одлично се вклопи како за сефте,се запржува кромидот исечкан на коцкички.

За брзо време се додава пиперката исто така исечкана на коцкички и лукот мнооогу ситно сечкан или поминат на преса.

Се пржи само колку да омекни, па се додаваат школките во време колку да им подизпари водата што ќе ја пуштат (неколку минути)па на кратко пржење доматното пире, по него оризот, по кој се става коцката за супа и по неа водата. Се остава да вари на малку појака од средна температура 10-15 минути за кое време оризот ќе треба да е скоро варен. Пожелно е да не се меша, но како мене ми беше новитет јас проверував со лажицата почесто. Не е ништо страшно и ако сакате да мешате.

Потоа се додаваат грашакот, зачините и виното, кое пред да се впие, за многу кратко време и магдоносот.

Важно е оризот да има сочност, да не довозволите многу да испари течноста и да е сув. А кога сме кај него, заборавив ви кажам дека се користи некоја специјална сорта на ориз, која нашиот можи одлично да си ја заврши работата чинам.

Готовата Паеља се служи топла, одозгора со со парчиња лимон, односно сокот од лимонот е многу пожелен за попрскување пред дегустацијата. И сечан магдонос...

©Фотографиите се авторски. Забрането е преземање на истите без согласност на авоторт.