Медотаан бомбици за „добро утро“

 Медотаан бомбици за „добро утро“ 

Овие здрави медотаанови бомбици настанаа сосема случајно кога бев намерила да го измешам Медотаанот како и секогаш на регуларен начин и да го ставам во тегличка.

Ја имам таа среќа да поседувам природни пчелини „плодови“, се чисто и органско, за кои е заслужен пред се мојот татко, па така медот знае често пати да биди густ, особено овој сега. Не зборувам за кристализиран мед. А пак, таанот не бев го смешала со неговото масло и со текот на стоењето и секако зависно од производителот се погоди солидно густ исто така. Па мешајќи ги заедно се доби една солидно густа смеса и како бев со намера овој Медотаан да го спремам со додатоци ми дојде идејата за бомбици наместо на лажиче. 

#стопвојна #мирвосветот 

Состојки 

2 лажици густ мед

3 лажици густ таан

1 лажицa полен

1 полна лажица семе од коприва

Половина лажиче јак раствор прополис и ноктец матичен млеч (незадолжително)

Околу 100 гр мелени ореви

50на гр мелен лешник

Мелен бадем за валкање на бомбиците 

Подготовка 

Најпрво се мешаат медот и таанот. Потоа се додава поленот и се остава кратко додека ги излемите јатките. Поленот можеби нема толку брзо да се стопи во смесата, но сепак добро е да му се дај малку време.

Потоа додадете го семето од коприва, измешајте, па додадете ги мелените јатки.

На крај, кој има, додадете прополис и матичен мелеч.

Млечот додадете го на самиот крај пред да оформувате, да не допира  долго време на светлина за да не ги губи неговите својства.

Мерките не се обавезни. Идејата е битна. Додадвајте состојки во однос на потребната густина за да можите да оформите бомбица. Како кажав, соодносот на состојките пред се зависи од густината на медот и таанот, па ако има потреба додадете уште млаку мелен орев, бадем, лешник, што сакате.

На крај оформените бомбици извалкајте ги во грубо мелен бадем, ставете ги директно или во хартиени корпиња во темен сад со капак и чувајте ги во фрижидер доколку е топло времето за да не ви се отпуштат и омекнат.

Вадете си по потреба и по желба, но ви препорачувам по една на гладно за Добро утро и добро здравје.

Медовите произвиди сите знаеме колку се корисни, а додатоците овде уште и поволни за дишните патишта од таанот, за јачање на крвта од семето од копривата 

©Фотографиите се авторски. Забрането е нивно преземање без согласност на авоторт. 

Мафини со праз и маслинки

 Мафини со праз и маслинки 

Нешто солено и набрзина за мојот роденден беа овие мафини кои испаднаа прекрасно вкусни. 

И сето задоволство кое сакам да со прикажам со зготвеното не е потполно знаејќи дека тука некаде на континентот стартуваат ужасни немири кои секако можат да се одразат во светски рамки доколку не се најди решение. Затоа, со надеж (додека стивнат) на моите објави решив да стојат следниве хаштази, оти од мир и здравје ништо поарно нема. 

#мирвосветот #стопвојна 

Се надевам дека и вие со вашите објави ќе го следите примерот со тронка надеж дека можеби ќе допри до воините ако веќе не можиме поинаку како да спречиме...

Состојки 

3 јајца

100 гр кисела павлака

100 мл  јогурт

150 мл масло

1 лажиче сол

150 гр пченкарно брашно

150 гр пченично брашно

1 пециво

200 гр сирење

100 гр сечкани црни маслинки

1 шолја ситно сечкан праз

За одозгора 

Семиња: сусам, чурек, лен, ким, сончогледови семки...

 

 Подготовка 

Со жица за матење најпрво се разматуваат јајцата, па солта, јогуртот, киселата павлака и маслото.

Празот и маслинките исечкајте ги, а сирењето се  дроби, па се додадава во смесата.

На крај, се мешаат барашната со пецивото и се додаваат со мешање додека смесата стани еднолична.

Полнете ги калапите за мафини со смесата, а одозгора ставете од семињата.

Печете на 180С околку 25 минути, односно дедека не добијат блага боја одозгора и на допир покажуваат дека се цврсти и испечени во средината. 

 

*Солените мафини, особено пченкарните препорачувам да ги печите во силиконски калапчиња, иако јас сепак во книжни ги испеков овие. Но, доколку сакате додека се пресни да не ви се лепи кората на хартијата, пробајте да ги премачкате хартиените корпиња со малку масло. 

©Фотографиите се авторски. Забрането е нивно преземање без согласност на авоторт. 

Ролати со мелено месо печени на рингла

 Ролати со мелено месо печени на рингла

Ќе се заљубите го залачињава ако ги пробате. А толку лесно и брзо се спремаат, исто како и што на топли кога наваливме да ги изедиме.  Жалам што сликите не се толку успешни да ја доловат неговата вистинска вкусотија, но се мораше брзо да се работи кога е глад и убава миризба на јадењето во прашање. Две парчиња успеаа да постојат и изладат за да можам покасно барем пресек да сликнам попристојно иако и тогаш пред гости.

Потребно 

За тесто

200 гр брашно

1 прашак за печење

5 гр сол

20 мл млеко

20 мл масло

150 гр кисела павлака

За фил

250-300 гр мелено месо

150 гр кашкавал

1 јајце

1 главица кромид

20 гр магдонос

Сол и зачини – сув зачин, пимент или бибер, прованса или италијански зачини

 

Подготовка

Во сад ставете ги сувите состојки за тесто. Измешајте и додадете ги водените, па замесете глатко тесто.

Тестото покријте го и оставете го 15 минути да одмори.

За тоа време спремете го филот.

Исечкајте ги кромидот и магдоносот ситно, а кашкавалот изрендајте го .

Сите состојки додадете ги во еден сад и измешајте или измесете ги убаво.

Одмореното тесто расучете го на набрашнета површина во правоаголник.

Премачкајте го со филот од мелено месо и завиткрајте го во ролат.

Ролатот исечете го на парчиња со дебелина од околу 3 см.

Секое исечено парче малку сплескајте го од страните на филот и редете ги во поголема тава (да си собери сите, добра е бр 28) во која сте ставиле 1,5 ракиена чаша масло (отприлика). 

Пржете ги на умерена сила на ринглата додека заруменат и потоа превртете ги од другата страна. Додајте 50-60 мл вода и покријте ги со капак. Така динстајте ги 20 минути на ниска температура (најмногу на третина од вкупната јачина на ринглата). 

Послужете ги со павлата одозгора. 

©Фотографиите се авторски. Забрането е преземање на истите без согласност на авоторт. 

Домашна посебна пилешка салама

 Домашна посебна пилешка салама 

Ваквата салама на јадење многу потсетува по вкус на една паштета која се рекламира како поприродна за разлика од другите.

Пробајте, верувам дека ќе ви се допадни и вам да имате домашна салама без адитиви и емулгатори.

Состојки

0,5 кг пилешки стек

2 ловоров лист

700 мл вода

1  лажиче и малку  сув зачин

1/2 лажиче пимент

6-7 зрна црн бибер

5-6 лажици сок од конзервирано цвекло

2 пакетчиња (20гр) желатин

 

Подготовка 

Стекот е вари со ловоровиот лист најмалку 30на минути во поклопено тенџере.

Потоа се сечка на парчиња, му е додаваат зачините и 2/3 од водата во која се вареше. Се става во бледнер и се блендира. 

Откако ќе стани каша, се додава постепено последната третина вода и се внимава густината да е како густ јогурт (слична како битолскиот во ладна состојба). Значи 700 мл е репер кој можи да е малку повеќе или помалку во зависност од потребната опишана густина. 

Пред да почните да блендирате ставете го желатинот во шолја со 50на мл вода да желира. По 10 минути растопете го така што ќе додадете дел од жешката вода во која се варело пилешкото. Мешајте потполно да се стопи. Додадете го кон крајот на мешањето на смесата за паштета заедно со сокот од цвеклото кој ќе му даде освен убав шмек во вкусот и боја како на купечките салами.

 

За поубав вкус, вода додавајте од онаа во која се варел стекот. Доколку не ви стигни додавајте на крај обична вода.

Доколку не е солен сувиот зачин додадете и сол спрема вкусот. Всушност на крајот течноста пробајте ја и за дотерување со зачините по ваша желба и вкус. 

На крај истурете ја добиената смеса во пластично шише. Ако сакате послаба салама во дијаметар, употребете полкилски шишиња (ќе ви требаат две), или во едно литарско. 

Оставете потополно да олади и потоа ставете го во фрижидер неколку часа. 

 ©Фотографиите се авторски. Забрането е преземање на истите без согласност на авоторт. 

Шишарки

 Шишарки 

Колку ми е чуден зборот шишарки хаха...ние во Битола цел живот кукулички си ги викаме, но ајде, насловот за да разберат сите што сакал да раскажи авторот :) 

Имам рецепт многу постар за шишарки (ќе биди и тој кога ќе му дојди монентот) од овие кои се прават од зрнести чоколадни житарки, но овие се веќе 3де верзија :) Многу шармантни на изглед и автентични на трпезата за симските празници. 

Можи да ги направите од било кој рецепт за бомбици кои се поцрврсти за оформување. 

Состојки 

Чаша = 150 мл

2 чаши шеќер

1 чаша вода

125 гр маргарин

100 гр какао

300 гр мелени бисквити

1 рендана кора од портокал

1 портокал шеќер

50 гр крупно мелени ореви

 

Чоколаден корнфлекс 

 Подготовка 

Зовријте ги шеќерот и водата. Намалете ја температурата и додадете го маргаринот и какаото.

Откако ќе се соединат, тргнете од рингла и додадете ја кората од портокал и портокал шеќерот.

По неколку минути, кога малку ќе подолади, додадете ги оревите и бисквитите. Додколку има потреба за цврстина додадете од бисквитите или ореви.

Оставете смесата да олади. Па формирајте конусни облици. Ставете ги во замрзнувач да се стегнат на 15на минути и потоа редете ги со чоколаден корнфлекс.

Послужете ги попрскани со шеќер во прав. 

 ©Фотографиите се авторски. Забрането е преземање на истите без согласност на авоторт. 

Дилбер баклава

 Дилбер баклава 

Една малку поинаква баклава која ни доаѓа од турската кујна која секако мами пред се со изгледот да се проба. И иако звучи комплицирано, сепак е многу лесно да се направи. 

Нас ни беше прекрасен десерт за Василица, за вртење на парето со мазникот. 

Потребно

За шербет

400 мл вода

300 мл шеќер

2 лажици сок од лимон

За тесто

350 гр брашно

1 јајце

200 мл јогурт

150 мл масло

1 лажиче прашок за печење

Уште

150на гр толчени или ситно сечкани ореви

30на гр нишесте

2х2 см коцка путер

 

Подготовка

Прво сварете го шербетот. Откако ќе зоврие намалете ја температурата и варете го 7 минути. Потоа додадете го сокот од лимон и варете уште 3 минути. Оставете да излади.

Од состојките замесете мазно тесто. Тестото месете го 3 минути обавезно.

Потоа поделете го на 11 дела, направете топчиња, покријте ги убаво и оставете ги да одморат половина час.

Секое топче со сукало се сучи во дијаметар од 20 см и се редат едно врз друго. Ова е ако сакате баклавата да дојди како усни. Ако сакате да е разлистана, како оваа мојата, тогаш меѓу секое исукано тесто нанесувате нишесте. Јас решив прво вака со нишесте да ја пробам, а следен пат без, па ќе видиме како ќе е поубава.

Нареденото тесто исукајте го со дебелина од 4 мм и со поширока чаша или кружно калапче вадете кружни форми.

Полнете ги со толчените ореви и превиткајте ги, но не ги стегајте, само нежно. Финтата е додека се печат благо да се отворат. 

Наредете ги во плех, премачкајте ги со стопен путер и печете на 190С околу 20-25 минути, зависно од вашата рерна. 

Испечената баклава по една минута додека е жешка прелијте ја со лажица, секое одозгора со ладниот шербет.

Одозгора посипете ореви, `фстаци или кокос. 

 ©Фотографиите се авторски. Забрането е преземање на истите без согласност на авоторт. 

Урмини сусам прсти

 Урмини сусам прсти 

Овој рецепт доаѓа од арапската кујна и секако, полнежот е со урми :) 

Покрај урми можи да се употреби и локум, а ако се решите за него, гледајте да е некој со арома. Јас во последното парче тесто ставив локум со вкус на портокал и ммм... и тоа испадна одлично. 

Инаку, за толку и не ми стаса од смесата за урми, па вие кои ќе решите да го правите не е проблем и од старт да употребите уште 100 гр плус, тоа нема да се одрази на мерките. Урмите всушност треба да се паста од урми, која кај нас се разбира ја нема, па користиме урми без коски, а како, читајте надолу :) 

Потребно

За тесто 

2 јајца

½ чаша шеќер

¾ чаша масло

1 лажица ванила

Прстофат сол

½ чаша нишесте

½ чаша млеко во прав

½ лажиче прашок за печење

2 чаши брашно

За фил

400 гр урми

2 лажици масло

1 лажиче цимет

За премачкување и валкање

2 лажички мед

2 лажички вода

150 гр сусам

 

Подготовка

Рецептот е арапски и во него се користи готова паста од урми, а во наши услови урмите ги мелиме во Нутринулетот (во сецко пробав, ама не биваше) по 100 гр во кои додаваме по едно лажиче масло, а во меѓувреме и циметот. 

Пастата од урми ја делиме на неколку дела и правиме ваљаци со дебелина од половина см или потенки од прст.

Ги оставаме на ладно додека го спремаме тестото. 

За тестото ставете ги сувите состојки во сад за месење и измшајте ги.

Останатите состојки ставете ги во блендер и блендирајте ги до згуснување. Ако немате блендер користете миксер.

Потоа додадете ги во ванглата со сувите состојки и измесете глатко тесто.

Земајте парче од тестото и растанчете го ТЕНКО во правоаголник со големина колку ваљакот кој треба да го сместите во него и да го затолате рамномерно со тестото. Потоа залепете ги краевите на спојот и заролајте го додатно. 

Премачкајте го секој ваљак со мешавината мед и вода и потоа изролајте го обилно во сусам.

Исечете ги ваљаците во должина на прст и наредете ги во плех. 

Печете на 190С 13на минути, односно додека се потпечи сусамот. 

 ©Фотографиите се авторски. Забрането е преземање на истите без согласност на авоторт. 

Раванија со јаболка и ореви

 Раванија со јаболка и ореви 

Ах колку ми се сакало последно долго време некое вакво потурено благо... А оваа комбинација дојде како полн погодок. Едноставно, ама душата мерак ја разблажи ;) 

Подготовка 

За тесто

4 јајца

12 лажици млеко

12 лажици масло

12 лажици гриз

12 лажици брашно

1 прашак за печење

1 ванилин шеќер

3 рендани јаболка

100 гр крупно мелени ореви

 Шербет

650 гр шеќер

900 мл вода

 

Подготовка 

Кремасто изматете ги јајцата со шеќерот и ванилата.

Потоа со намалена сила на миксерот додавајте ги редоследно состојките.

Истурете ја во намрсена тепсија и печете на на 170С .

Јас ја печев во тепсија 20х30 и беше солидно висока.

Шербетот спремете го совреме. Откако ќе зоврие, варете на ниска температура уште некои 5 минути и потоа оставете го да олади.

Се потура ладен шербет и млака раванија. 

 ©Фотографиите се авторски. Забрането е преземање на истите без согласност на авоторт. 

Ашуре

 Ашуре 

Ашуре е турски десет кој муслиманите се прави во одреден период од годината наречен Месец на Ашуре. Толку научив од пријатели кога ја споделив сликата од ашурето на мојот профил на ФБ. Ако знае некој повеќе нек е излажала. Повод беше една затурена пченица, дел од гравот кој се вареше за гравче тавче и осамениот наут во конзерва. За да го направам решив да видам повеќе рецепти и да си створам еден н.з.с. ☺ Приметив дека во мк групи кај го гледав го прават без наут, грав и често и млеко. Решив да гледам турски рецепти. Е тие се со овие додатоци. Па, кад је бал, нек је маскембал хаха Не бидете скептици, пробајте го вака комплетно. Јас скептик бев воопшто, но завршив воодушевена од вкусот, а како го поделив по комшии и пријатели, реакцијата беше иста.  а пиши во коментар.

Долго време го гледав овој десерт по групите и не се осмелував да го направам. Мислев дека е некоја помија од блага вода и зарзават што плива во неа. Не сме ние многу мераклии по сувото овошје, а тоа преовладува овде. Ах, колку сум се излажала. Повод беше една затурена пченица, дел од гравот кој се вареше за гравче тавче и осамениот наут во конзерва. За да го направам решив да видам повеќе рецепти и да си створам еден н.з.с. ☺ Приметив дека во мк групи кај го гледав го прават без наут, грав и често и млеко. Решив да гледам турски рецепти. Е тие се со овие додатоци. Па, кад је бал, нек је маскембал хаха Не бидете скептици, пробајте го вака комплетно. Јас скептик бев воопшто, но завршив воодушевена од вкусот, а како го поделив по комшии и пријатели, реакцијата беше иста. 

Состојки 

2 шолји варена пченица

1 шолја варен грав

1 шолја варен наут

100 гр индиски ореви

70 гр лупени бадеми

100 гр суви кајсии

80 гр суви смокви

80 гр урми

80 гр суви сливи

50 гр сува брусница

Кора од 1 портокал

3 чаши шеќер

1 лажиче нишесте (или 1 лажица ако е пореко)

1 шолја млеко

Цимет

 

Подготовка 

Сварете ги пченицата, наутот и гравот одделно. Секако, можи да користите конзервирани за полесно и побрзо.

Додека се чека да се варат зрната, ставете ги бадемите во жешка вода да отстојат додека излади и потоа излупете ги лесно.

Можи да користите и лешници или било какви јатки ако сакате, секако тоа важи и за сувото овошје. Колку повеќе, толку побогато на вкус.

Со алатка за лупење излупете ја кората од еден исчистен портокал и исечкајте ја на коцкички.

Кога сите зрна ќе бидат скоро варени, омекнати, ги ставаме заедно во поголемо тенџере и им додаваме од нивната вода за почеток 5,6 чаши и вариме 10 минути откако ќе зоврие. 

Го сечкаме сувото овошје и го додаваме заедно со јатките и кората од портокал во тенџерето. На крај го додаваме и шеќерот и додаваме уште 4 +/-  чаши вода. Додавањето на течност не е правило во мерките. Треба да е потечно, а не густо со зарзаватите внатре.

Оставаме да вари на појак од среден оган 10-15 минути.

Нишестето го раствораме во млекото и го додаваме во тенџерето. Сега мешаме често и откако ќе зоврие вариме уште неколку минути, па го тргаме од рингла.

Цимет можи да додадете во него или откако ќе сервирате одозгора. Јас се решив за одозгора, затоа што не можев да одолеам на тој коктел од арома да не го оставам таков каков што е.

 Сервирајте го во мали чинивчиња, поделете го со пријателите и блиските и уживајте во вкусотијата.

 

П.С.: Доколку сакате посна верзија, млекото заменете го со вода.  

 ©Фотографиите се авторски. Забрането е преземање на истите без согласност на авоторт.